Orkeste

Bloemhof is bevoorreg om leerders in twee orkeste te hê: Bloemhof se Stringendo Strykensemble en Musica Perpetua, ‘n blaasorkes wat deur Paul Roos Gimnasium bestuur word. 

Die Stringendo Strykensemble, met me. Amoré Steyn as dirigent, bestaan uit 20 strykinstrumente en sluit leerders van ons broerskool in. Die orkes tree by al die groot skool-geleenthede op, verskaf begeleiding tydens Maandae se saalperiodes en neem jaarliks aan kunswedstryde deel. Stringendo is in 2017 aangewys as die Beste Gemengde Ensemble op die Paarl Vallei Eisteddfod. 

‘n Baie opwindende projek vir 2019 is die Stringendo-toer wat in Junie plaasvind.  Die toergroep bestaan uit Stringendo asook die nuwe Jazz-ensemble (gestig Januarie 2019) en albei groepe gaan aan die Internasionale Jeug Musiekfees in Bratislava, Slowakye deelneem.  Hulle gaan ook Hongarye, die Tsjeggiese Republiek en Oostenryk besoek.

Musica Perpetua, met leerders van Bloemhof, Paul Roos en Rhenish Girls’ High, wen in 2017 die trofee vir beste Hoërskool Blaasorkes op die Stellenbosch Eisteddfod.  Ook by hierdie eisteddfod wen hulle in 2018 die beste jazz-orkes afdeling. Aan die einde van 2018 onderneem Musica Perpetua ’n toer na België en Duitsland, en tesame met die Paul Roos-sanggroep tree hulle by verskeie skole en konserte op. Die orkes bestaan tans uit 35 lede en word deur mnr. Leon Piron dirigeer.

Stringendo

Musica Perpetua

Dirigente

Amoré Steyn

Leon Piron

Bestuurders

Ertru Hattingh

Cara Brand

(Paul Roos Gimnasium)