 |
 |
|
|
NuusOuer Funksie: Oranje Interskole
Daar word op 16 Augustus 'n hoenderspit vir die ouers by Die Stal by Coetzenburg aangebied. Hierdie geleentheid val saam met Oranje Interskole. Geen kinders nie, asseblief! Graad 9 Braai
Juf Lizna Kriel het op 23 Mei al die graad 9's bederf met 'n gesellige "spanbou" by die klubhuis! Daar is gebraai en koek versier en sommer net lekker gekuier. Eksamentyd
Baie sterkte aan al die leerders met die Junie-eksamen! Puntekontrole vind plaas op Dinsdag 18 Junie en die skool sluit op Vrydag 21 Junie. SAGSA-kongres Dag 3
Vandag is die laaste dag van die SAGSA-kongres en daar is weer 'n paar interessante sprekers op die spyskaart. Dr Jeanette de Klerk-Luttig; Bun Booyens en Hein Wagner is die gaste vir die oggend. Op die foto bo kuier me Penny Vinjevold (tweede van regs) saam met me Wilna van Heerden en van die ander kongresgangers by Zorgvliet. SAGSA-kongres Dag 2
Dag 2 van SAGSA het op 'n hoë noot begin toe die Accelerando-koor die kongresgangers toegesing het. Hulle het egter ook 'n paar ander interessante sprekers wat hulle deur die loop van die dag gaan toespreek, onder ander dr Johan van Zyl, prof Eugene Cloete en dr Kosie de Villiers. Elna van der Merwe en Zorada Temmingh sorg vir vermaak en vanaand word die gaste bederf met 'n kuier by Zorgvliet. Hier is Minister Donal Grant saam met me Anne-Marie Klink en me Wilna van Heerden. SAGSA-kongres skop af
Die jaarlikse SAGSA-kongres word hierdie jaar van 22 - 24 Mei by die Hoër Meisieskool Bloemhof aangebied. Nagenoeg 100 kongresgangers van oor die land word verwag en sprekers soos Bun Booyens, Hein Wagner en Donald Grant gaan tydens dié drie dae optree. Baie welkom aan al die gaste! Graad 8 Markdag
Die graad 8's het op 17 Mei Markdag gehou en die hele skool het gesmul aan die verskeidenheid lekkernye! Gaan loer gerus hier vir nog foto's. Doringrosie 2013
Op 9 Mei is die vierjaarlikse Doringrosie by die skool aangebied en hierdie jaar is Lisa-Jean Malan as die wenner aangewys! Rhodes-beurse
Bloemhof-leerders is nou saam met Paul Roosers in die bevoorregte posisie om vir die gesogte Rhodes-beurs aansoek te kan doen. Gaan kyk gerus hier vir die nodige dokumentasie oor die beurs. Help Bloemhof wen!
Bloemhof staan die kans om R100 000 te wen, maar daarvoor het ons alle ouers se hulp nodig! Die MySchool-inisiatief het ‘n drievoudige kompetisie geloods waar verskeie pryse op die spel is. Die kompetisie is ook ‘n fondsinsamelingsprojek vir die bewaring van renosters, wildehonde en jagluiperds. Al wat u moet doen is om vir die volgende 6 weke u MySchool-kaart soveel as moontlik te gebruik en by soveel as moontlik verskillende Woolworths-takke. (Dit sluit die Engen-takke uit.) Die eerste afdeling van die kompetisie is die Skole-kompetisie. Die groot prys is R100 000 vir die wenskool, maar daar is ook weeklikse pryse vir die top 3 skole wat die meeste kere hul kaarte gebruik. Elke slag as u die kaart gebruik word punte versamel. Indien u by verskille Woolworths-takke die kaart gebruik, vermenigvuldig die punte. Dit vermenigvuldig nog ‘n maal met die hoeveelheid produkte wat u aanskaf! Die skool met die meeste punte aan die einde van ses weke wen die groot prys. Die tweede afdeling is die Leerder-kompetisie. Leerders kan bewaringsstories op hulle Facebook-bladsy gaan publiseer. Die leerder wat wen ontvang ‘n R5000 Woolworths-geskenkbewys, R10 000 vir ‘n bewaringsprojek en ‘n motiveringspraatjie deur Braam Malherbe. As groenskool wil ons alle Bloemhoffers aanmoedig om deel te neem! Die derde been van die kompetisie is uitsluitlik vir kaarthouers. Indien u reeds ‘n MySchool-kaart het, registreer u kaart deur “AFRICA” na 43139 te sms. U moet dan u kaart ten minste vyf keer binne die volgende ses weke gebruik om in aanmerking te kom vir die gelukkige trekking. Hier staan die wenner ‘n kans om ‘n luukse safari vir vier mense ter waarde van wen. Indien u nog nie ‘n MySchool-kaart het nie, besoek u naaste Woolworths-tak om ‘n kaart te bekom. Onthou om te registreer! Indien u enige verdere navrae het, besoek gerus hulle webwerf vir meer omvattende detail oor die projek. Mediasentrum woeker
Die mediakomitee woeker met verskeie projekte. In die eerste kwartaal het Derick van der Walt, skrywer van boeke soos Lien se lankstaanskoene en Hoopvol, die skool kom besoek. Die mediasentrum het ook ‘n nuwe baadjie aangetrek - tydens paastyd het ‘n paar mediakomitee-lede nie nét 'n paaseierjag gehou nie, maar ook van die biblioteek se mure rooi geverf. Kom loer gerus hoe dit lyk! Op Vrydag 12 April het die mediakomitee ‘n uitreik na House of Grace, ‘n huis vir minderbevoorregte kinders gegaan en boeke gaan voorlees. Daar was ook poppekas vir hul gehou!
Aanbevole boeke vir Graad 8 -12
Dienste wat beskikbaar is: Hulp en bystand in soektogte na inligting en leesboeke.
Stigtersdag 2013
Bloemhof is 138 jaar oud en op 8 Maart het die skool behoorlik fees gevier tydens die jaarlikse Stigtersdagverrigtinge wat in die Sentrum gehou is. Benewens die leerders, personeel en spesiale gaste was daar ook drie reüniegroepe wat die vieringe bygewoon het. Me Erna Meaker, ook 'n oud-Bloemhoffer, was die gasspreker vir die oggend en het 'n insiggewende, dog vermaaklike toespraak, gelewer. Afgevaardigdes van Paul Roos en Rhenish het ook spesiaal hulle wense aan die skool kom oordra en selfs dié leerders het trots geluister na hulle susterskool se prestasies van die afgelope 138 jaar. Baie geluk, Bloemhof, mag daar nog baie verjaarsdae wees!
2013 Gholfdag
Die 2013 Bloemhof Gholfdag was weereens 'n reuse-sukses en al die gaste en deelnemers was dit eens dat dié dag die beste tot op hede was. Baie dankie aan die borge, deelnemers en komitee wat saamgewerk het om Bloemhof se grootste fondsinsamelingsgeleentheid van die jaar 'n puik dag te maak. Die pryswenners tydens die geleentheid is as volg: Prystrekking van boekies: 1e Prys: iPad 2 (WiFi en PVR) geskenk deur ENS gewen deur Kevin Wilson Vredenburg Vierbal-wenners: 1e Prys: Nespresso U koffiemasjiene (geborg deur mnr Stehan Grobler) 1.5 l Hartenberg wyne gewen deur Basie van Dyk Spesiale pryse: Mans – Langste dryf op 7de put Sanlam Private Beleggings – R 1000 Pierre Boshoff Boule-wenners:
Beste geklee: Le Creuset panne (geborg deur Christelle van Zyl) (Unbeatables) Lootjie-wenners:
Amptelike sportbeleid
Daar is verskeie navrae oor die amptelike sportbeleid van Bloemhof. Kliek assblief hier om die beleid in PDF-formaat af te laai. Skoolkwartale vir 2013
SKOOLKWARTALE EN OPENBARE VAKANSIEDAE VIR 2013 Die goedgekeurde skoolkalender vir 2013 is soos volg:
Let wel: Datums en dae in hakies is vir opvoeders.
Openbare en Skoolvakansiedae in 2013:
01 Januarie 2013 - Nuwejaarsdag 21 Maart 2013 - Menseregtedag 22 Maart 2013 - Skoolvakansiedag 29 Maartl 2013 - Goeievrydag 01 April 2013 - Gesinsdag 27 April 2013 - Vryheidsdag 01 Mei 2013 - Werkersdag 16 Junie 2013 - Jeugdag 17 Junie 2013 - Publieke Vakansiedag 09 Augustus 2013 - Nasionale Vrouedag 10 August 2013 - Skoolvakansiedag |
|
Maandag 17 Junie Vakansiedag
|
Dinsdag 18 Junie Puntekontrole 10:00 Boek en Koek
|
Woensdag 19 Junie
|
Donderdag 20 Junie
|
Vrydag 21 Junie Uitdeel van rapporte Skool sluit Netbal: Interstreekstoernooi
|
Saterdag 22 Junie Netbal: Interstreekstoernooi
|