Bloemhofbond

Stigtersdag 2013

Bloemhof is 138 jaar oud en op 8 Maart het die skool behoorlik fees gevier tydens die jaarlikse Stigtersdagverrigtinge wat in die Sentrum gehou is. Benewens die leerders, personeel en spesiale gaste was daar ook drie reüniegroepe wat die vieringe bygewoon het. Me Erna Meaker, ook 'n oud-Bloemhoffer, was die gasspreker vir die oggend en het 'n insiggewende, dog vermaaklike toespraak, gelewer.

Afgevaardigdes van Paul Roos en Rhenish het ook spesiaal hulle wense aan die skool kom oordra en selfs dié leerders het trots geluister na hulle susterskool se prestasies van die afgelope 138 jaar.

Baie geluk, Bloemhof, mag daar nog baie verjaarsdae wees!