Bloemhof Hoër Meisieskool

Kontak Mari Kieck, Julie Bone (082 781 4416 of Hierdie e-posadres word van Spambotte beskerm. Jy moet JavaScript ontsper om dit te lees. ), Erika Mitchell (083 648 8189) tydens kantoorure vir meer detail of e-pos hulle by Hierdie e-posadres word van Spambotte beskerm. Jy moet JavaScript ontsper om dit te lees. .

Indien u aankope wil maak, het u die onderstaande betalingsopsies.

Die Klerebank bied ongelukkig geen krediet aan leerders of ouers nie.

1. U kan 'n betaling maak in die skoolfonds bankrekening. Spesifiseer SKOOLDRAG en die leerder se naam en van. Hierdie kan dan as 'n debietbedrag gebruik word en die leerder kan deur die verloop van die jaar hierop aankope maak. Dit werk lekker vir koshuisleerders, of indien u so wil begroot.

2. U kan 'n bestelling plaas by die Die Klerebank, die presiese bedrag van die aankope kry, en 'n inbetaling maak. Sodra Die Klerebank die bewys van betaling ontvang het, sal hulle die klere aan die leerder oorhandig.

3. U kan kontant, per tjek of per debiet- of kredietkaart kom aankoop by Die Klerebank.

Skooldrag

Bloemhof dogters is baie trots op hulle skooldrag wat kan meng en pas. Daar 'n hele paar modieuse en gestileerde items wat ons dogters met trots bymekaar sit na gelang van die seisoen en geleentheid.

Die wit hemp met of sonder skooldas word gemeng met 'n maroen rompie en knielengte wit sokkies.
Ons moulose oortrektrui het 'n ruitmotief in wit en maroen, terwyl die wintertrui met dieselfde motief spog in 'n toeknoop, langmoutrui.
Dogters kan in winter die uitrusting verander na 'n wit langmou hemp met langer kouse.
Ons skoolbaadjie, in donkerblou met 'n wapen en 'n omboorsel, is verpligtend by saalbyeenkomste en amptelike geleenthede.
Swart dogters skoolskoene rond die uitrusting af.

Ons is baie gesteld op die voorkoms van ons dogters. Byderwetse skooldrag kan met smaak en netheid gedra word, en steeds baie goed lyk! Bykomstighede word gereeld gekontroleer - 'n Bloemhof-skooltas is verpligtend en haarbykomstighede moet maroen of donkerblou wees.

Die nuutste pryslys (geldig vanaf 15 Oktober 2012) kan hier afgelaai word.

BETAALWYSE

TJEKS Uitgemaak aan BLOEMHOF SKOOLFONDS

BANKDEPOSITOS Rekeningnaam BLOEMHOF SKOOLFONDS

Bank ABSA

Rekeningnommer 4059150105

Tak 632 005

Verwysing “UNIFORMS” en u naam en van

Sportdrag

Die amptelike skoolsweetpak is al sweetpak wat toegelaat word saam met LWO en sportklere. Vir LWO dra dogters 'n donkerblou oefenbroekie en 'n donkerblou en maroen oefenhempie - hierdie drag kan ook vir alle sportoefeninge gedra word.

Slegs die donkerblou skool sportsak met die Bloemhof wapen op kan aanvaar word vir sport.

Verdere sportdrag is as volg:

Tennis:

Nie-spanspelers is welkom om LWO-oefendrag te dra, terwyl spanspelers 'n donkerblou sportrokkie en wit tennissokkies moet dra. Die donkerblou sonpet is opsioneel.

Netbal en Hokkie:

'n Donkerblou sportrompie word saam met 'n donkerblou kleefbroekie gedra en maroen kouse (hokkie) of wit sokkies met maroen strepe (netbal).

Atletiek en Landloop:

Vier items kan gekombineer word na smaak en geleentheid. Die items is 'n kombinasie van maroen, donkerblou of wit. 'n Frokkie of kroptop kan saam met 'n kleefbroek of kortbroek gedra word.

Swem en Waterpolo: 'n Swart of donkerblou eenstuk-swembroek word gebruik vir alle swem by Bloemhof. Spanspelers en spanswemmers word verplig om die donkerblou skoolswembroek te dra. Onthou dat 'n wit swempet verpligtend is.

Die nuutste pryslys (geldig vanaf 15 Oktober 2012) kan hier afgelaai word.

Ontwikkel en ontwerp deur Eavesdrop Communication