Bloemhof Gholfdag 2019

Donderdag, 7 Maart 2019  |  Stellenbosch Gholfklub

Veilingitems

Item 1: Naweek op Prins Albert (4 persone plus gades)

Item sluit in:

Twee aande se verblyf in vier dubbelkamers in die Swartberg Hotel op Prins Albert.  Karoo-ontbyt ingesluit. (www.swartberghotel.co.za). Hierdie naweek sluit ook kooklesse vir 8 persone, voldag, by African Relish, Prins Albert in. (www.africanrelish.com

Item 2: Brandfontein-visvangnaweek (4 persone)

Brandfontein

In 1921 het Johan David Albertyn, van die plaas Nacht Wacht net buite Bredasdorp, die seeplaas Brandfontein vir sy Duitse vrou Grete Petczh as verjaarsdag geskenk gekoop.  Vandag behoort die stukkie hemel nog steeds aan die Albertyns. Dit is in die middel van die Kaap Agulhas Natuurreservaat geleë.  Brandfontein is glad nie oop vir die publiek nie, maar Dawie en Melanie Albertyn nooi julle vir ‘n naweek van nostalgie, visvang en goeie kos. 

 

Dit is ‘n ervaring wat nie gou vergeet sal word nie.

 

Item sluit in:  

 

Visvang-uitstappie saam met die bekende Awesome Charters van Struisbaai.  Julle sal vroegoggend vanaf Brandfontein na Struisbaai vertrek waar julle ‘n dag op die water op ‘n 28ft Butt Cat gaan deurbring.  Hulle verskaf al die toerusting benodig asook verversings aanboord. 2 Aande se verblyf en etes op Brandfontein.

(www.awesomefishing.co.za)

Item 3: Nacht Wacht (4 persone)

Kom geniet ‘n naweek van tarentaal-jag op een van die oudste plase in die Overberg, Nacht Wacht. Nacht Wacht is ‘n bekende baken in die Overberg op pad na Waenhuiskrans.  Julle gaan ‘n kans kry om langs die Karsrivier op te loop en saam met pointers tarentale te jag.  Na die jag is daar ‘n lekker kuier op Nacht Wacht met ‘n feesmaal wat uit vars produkte uit die Overberg sal bestaan.  Hierdie prys is nie vegetariër/vegan-vriendelik nie.

Item sluit in:

 

2 Aande se verblyf in op ‘n naburige gasteplaas.

Voëljag op Nacht Wacht met etes ingesluit.

Item 4: Fancourt 

Vier on- suite kamersgeleë reg oorkant die klubhuis op die 18de setperk van die Outeniqua-baan by Fancourt.Huishulp en 1 gholfkar ingesluitGebruik van binne- en buiteswembaddens, jacuzzi, stoomkamer en gimnasium.

 

‘n Rondte gholf vir ‘n vier-bal by Fancourt se Outeniqua of Montagu gholfbaan

 

 

Hierdie item is nie net fantasties vir gholfers nie, maar ook vir families. Daar is baie om te doen vir kinders en nie-gholfers.

Item 5: Wamakersvlei (6 persone) plus ’n halwe lam en kis Zorgvliet Richelle

Item sluit in:

 

’n Naweek vir 6 mense op die Weskus by Wamakersvlei.  ’n Halwe lam en ’n kis Zorgvliet Richelle word ook by hierdie item ingesluit. 

Item 6: Een 6-liter bottel Glenelly

 

Item 7: Bloemhof Gholfdag-koek

n Dekadente sjokoladekoek spesiaal vir die gholfdag deur matriekleerder Carla Thiart gebak.  Die beplanning het al aan die begin van Februarie afgeskop.  Carla noem dat van haar inspirasie oor die afgelope jare Bloemhof is en dit is ook haar inspirasie vir die ontwerp van die koek.