Welkom by Hoër Meisieskool Bloemhof

Welkom by die webtuiste van die Hoër Meisieskool Bloemhof. Dit is my doelwit om Bloemhof se hart te laat warm klop. Ons is nie net 'n skool vol uitmuntende leerders en uitsonderlike prestasies nie - ons is ook 'n skool waar ons omgee vir onsself, vir ander, vir ons gemeenskap en vir ons planeet. Hierdie skool is ons trots en ons geluk - dit is die band wat Bloemhoffers al vir 135 jaar saambind. U elkeen sal altyd welkom wees en deel van Bloemhof bly.

- Me Wilna van Heerden (links), Skoolhoof

Bome en blomme by Bloemhof

Dinsdag, 31 Augustus 2010 07:28

Met Boomplantdag 2010 plant me Wilna van Heerden haar eerste boom as skoolhoof van die Hoër Meisieskool Bloemhof. Die boom is geskenk aan me Van Heerden deur mnr Bun Booyens, ter nagedagtenis aan sy pa, wyle prof Bun Booyens. Me van Heerden het die lentegevoel in die tuin gekry en sommer daar en dan 'n plan beraam om dié boom te omring met laventelplante.

By Bloemhof is alles vrolik met Boomplantdag. Die graad 8-klasse plant elkeen 'n boom teenaan die Markötter-grens en planne word tans beraam om die ou vierkant op te gradeer met 'n pragtige boomstruktuur. Bloemhoffers loop vandag in lente-civvies rond op loslitdag, die sonnetjie skyn, en almal is aan die woel in die tuine.

Die rose voor Hoër Meisieskool Bloemhof, wat nog nou die dag kaal gesnoei was, begin wrintiewaar bot en die eerste kenmerkende wit roos is reeds aan die vorm. Dis lente!

Bloemhof kore wen Eisteddfod

Woensdag, 01 September 2010 12:01

Die Bloemhof Accelerando koor en Bloemhof kamerkoor het op Vrydag 27 Augustus hul onderskeie afdelings by die finale rondte van die Tygerberg Eisteddfod gewen.

Lees meer...